Салом дўстлар, бугунги мавзумизда, кўп куйланадиган, дилларда достон бўладиган илоҳий неъмат севги-муҳаббат ҳақида шеър ва қушиқларнинг энг сара тўпламини ҳавола этилади.
Муҳаббат нума у
Муҳаббат қайғумас, муҳаббат кулгу,
Муҳаббат уйқумас, муҳаббат туйғу.
Муҳаббат оғумас, муҳаббат орзу,
Муҳаббат нума у, муҳаббат ёғду!
Юракда ўчмасин ишқнинг жилоси,
Аламга кўчмасин ишқнинг жилоси,
Ҳижроннинг тушмасин бошга балоси,
Муҳаббат оташ бу, муҳаббат чўғ
Хаёлимни олди юлдузлар рақси,
Ойдаги доғлар бу, ошиқлар акси.
Жавобин топгандай кўнгиллар баҳси,
Муҳаббат аксингдур, муҳаббат кўзгу!
Мени ром айлади,эй ёр жамолинг,
Бир зум ором бермас, дилни висолинг.
Билмадим қайдадир манзил маконинг,
Муҳаббат сезги бу, муҳаббат севги!
Ҳар нафасда минг бор номинг сўйладим,
Ақлу ҳушум бериб, сени ўйладим.
Сенинг дардинг билан мудом куйладим,
Муҳаббат чолғу бу, муҳаббат мангу
Мендек билармикан ўзга қадрингни,
Дариғ этма жоним, дилдан меҳрингни.
Олислардан сездим соҳир сеҳрингни,
Муҳаббат жодуми, муҳаббат эзгу?
Сени изламайман тоғу тошлардан,
Ахтариб юрмайман кўзда ёшлардан.
Сўрамайман боғда дилгир қушлардан,
Муҳаббат гўзаллик, муҳаббат оҳу!
Аҳад, бир кун битар дилнинг яраси,
Оз-ўзидан битар кўзнинг жоласи.
Кимларгадир етса юрак ноласи,
Муҳаббат кўнгил бу, муҳаббат гул бу!
Муҳаббат қауғумас, муҳаббат кулгу,
Муҳаббат уйқумас, муҳаббат туйғу.
Муҳаббат оғумас, муҳаббат орзу,
Муҳаббат нима у, муҳаббат ёғду.
Севгининг дарди
Кечикиб бўлса-да, келса ишқ фасли,
Ким эшик очмаса, хато қилади.
Англаганим,дўстлар, дунёда асли,
Севгининг қадрини севган билади.
Бу гапимдан кимдир ҳайрон бўлади,
Ким севмаган бўлса зимдан кулади.
Хаёлга чўмганлар севган бўлади
Севгининг қадрини севган билади.
Муҳаббат ўт ёқса юракка бир бор,
Ҳаловатинг олиб қиларкан бедор.
Жонингни азобда адо қилади,
Бунинг нималигин суйган билади.
Етишмоқ истаган ишқнинг аслига,
Хаёлида кутган ёрнинг васлига.
Аҳаддай ҳажрида куйган билади,
Севгининг қадрини севган билади.
Кечикиб бўлсада келса ишқ фасли,
Ким эшик очмаса хато қилади.
Англаганим, дўстлар, дунёда асли,
Севгининг қадрини севган билади.
Аҳад Қаюм «Мени йиғлатма, ҳаёт» китобидан.
Эссиз, муҳаббат эссиз
Эссиз аҳду паймонлар,
Тилсиз қолди осмонлар.
Ўртамизда ёлғонлар,
Эссиз, муҳаббат эссиз…
Кўксим йиртар хиёнат,
Юракда ўсар нафрат.
Қандай яшайсан, Аҳад,
Эссиз, муҳаббат эссиз…
Бевафо, қолдим сенсиз,
Кўз ёшим денгиз, денгиз.
Биргамасмиз иккимиз,
Эссиз, муҳаббат эссиз…
Эссиз аҳду паймонлар,
Тилсиз қолди осмонлар.
Ўртамизда ёлғонлар,
Эссиз, муҳаббат эссиз…
Кўксим йиртар хиёнат,
Юракда ўсар нафрат.
Қандай яшайсан, Аҳад,
Эссиз, муҳаббат эссиз…
Аҳад Қаюм «Мени йиғлатма, ҳаёт» китобидан.
Севги-муҳаббат ҳақида шеър ва қушиқлар тўплами
Қаерда юрибсан, муҳаббат
Бошимга тушганда мусибат,
Келиб бир қилмадинг мурувват.
Хаста жоним ёлғиз қолдириб-
Қаерда юрибсан, муҳаббат?
Менга қараб зерикдингми ё,
Бир меҳрга зориқдингми ё
Бахтлиларга энтикдингми ё,
Қаерда юрибсан, муҳаббат?
Ёки сен ҳам актёрмисан,
Ёлғон бахтдан бахтиёрмисан.
Ёмон роллардан безормисан,
Қаерда юрибсан, муҳаббат?
Тилло қасрларда безакдек,
Бойларнинг қўлида узукдек
Кимларнинг қўлида зулукдек,
Қаерда юрибсан, муҳаббат?
Кўз ёшга ювилди сочиқлар
Ғуссага чўмилди ёстиқлар.
Тегирмондек чайнар огриқлар,
Қаерда юрибсан, муҳаббат?
Севги деб сочларим супурги,
Ёлғонлар совуннинг кўпиги.
Пойимда ҳижроннинг этиги,
Қаерда юрибсан, муҳаббат?
Сенсиз ман ғўзачўп ўтинман,
Кам- кўстсиз навраста етимман.
Кўзим тўрт йўл пойлаб кутдим ман,
Қаерда юрибсан, муҳаббат?
Не учун билмайсан ўз қадринг,
Биров ўйин қилмасин дардинг.
Бир меҳрга зордир Аҳадинг,
Қаерда юрибсан, муҳаббат?
Аҳад Қаюм «Мени йиғлатма, ҳаёт» китобидан.
