Salom do‘stlar, bugungi mavzumizda, ko‘p kuylanadigan, dillarda doston bo‘ladigan ilohiy ne’mat sevgi-muhabbat haqida she’r va qushiqlarning eng sara to‘plamini havola etiladi.
Muhabbat numa u
Muhabbat qayg’umas, muhabbat kulgu,
Muhabbat uyqumas, muhabbat tuyg’u.
Muhabbat og’umas, muhabbat orzu,
Muhabbat numa u, muhabbat yog’du!
Yurakda o’chmasin ishqning jilosi,
Alamga ko’chmasin ishqning jilosi,
Hijronning tushmasin boshga balosi,
Muhabbat otash bu, muhabbat cho’g’
Xayolimni oldi yulduzlar raqsi,
Oydagi dog’lar bu, oshiqlar aksi.
Javobin topganday ko’ngillar bahsi,
Muhabbat aksingdur, muhabbat ko’zgu!
Meni rom ayladi,ey yor jamoling,
Bir zum orom bermas, dilni visoling.
Bilmadim qaydadir manzil makoning,
Muhabbat sezgi bu, muhabbat sevgi!
Har nafasda ming bor noming so’yladim,
Aqlu hushum berib, seni o’yladim.
Sening darding bilan mudom kuyladim,
Muhabbat cholg’u bu, muhabbat mangu
Mendek bilarmikan o’zga qadringni,
Darig’ etma jonim, dildan mehringni.
Olislardan sezdim sohir sehringni,
Muhabbat jodumi, muhabbat ezgu?
Seni izlamayman tog’u toshlardan,
Axtarib yurmayman ko’zda yoshlardan.
So’ramayman bog’da dilgir qushlardan,
Muhabbat go’zallik, muhabbat ohu!
Ahad, bir kun bitar dilning yarasi,
Oz-o’zidan bitar ko’zning jolasi.
Kimlargadir yetsa yurak nolasi,
Muhabbat ko’ngil bu, muhabbat gul bu!
Muhabbat qaug’umas, muhabbat kulgu,
Muhabbat uyqumas, muhabbat tuyg’u.
Muhabbat og’umas, muhabbat orzu,
Muhabbat nima u, muhabbat yog’du.
Sevgining qadri
Kechikib bo’lsa-da, kelsa ishq fasli,
Kim eshik ochmasa, xato qiladi.
Anglaganim,do’stlar, dunyoda asli,
Sevgining qadrini sevgan biladi.
Bu gapimdan kimdir hayron bo’ladi,
Kim sevmagan bo’lsa zimdan kuladi.
Xayolga cho’mganlar sevgan bo’ladi
Sevgining qadrini sevgan biladi.
Muhabbat o’t yoqsa yurakka bir bor,
Halovating olib qilarkan bedor.
Joningni azobda ado qiladi,
Buning nimaligin suygan biladi.
Yetishmoq istagan ishqning asliga,
Xayolida kutgan yorning vasliga.
Ahadday hajrida kuygan biladi,
Sevgining qadrini sevgan biladi.
Kechikib bo’lsada kelsa ishq fasli,
Kim eshik ochmasa xato qiladi.
Anglaganim, do’stlar, dunyoda asli,
Sevgining qadrini sevgan biladi.
Ahad Qayum «Meni yig’latma, hayot» kitobidan.
Essiz, muhabbat essiz
Essiz ahdu paymonlar,
Tilsiz qoldi osmonlar.
O’rtamizda yolg’onlar,
Essiz, muhabbat essiz…
Ko’ksim yirtar xiyonat,
Yurakda o’sar nafrat.
Qanday yashaysan, Ahad,
Essiz, muhabbat essiz…
Bevafo, qoldim sensiz,
Ko’z yoshim dengiz, dengiz.
Birgamasmiz ikkimiz,
Essiz, muhabbat essiz…
Essiz ahdu paymonlar,
Tilsiz qoldi osmonlar.
O’rtamizda yolg’onlar,
Essiz, muhabbat essiz…
Ko’ksim yirtar xiyonat,
Yurakda o’sar nafrat.
Qanday yashaysan, Ahad,
Essiz, muhabbat essiz…
Ahad Qayum «Meni yig’latma, hayot» kitobidan.
Qaerda yuribsan, muhabbat
Boshimga tushganda musibat,
Kelib bir qilmading muruvvat.
Xasta jonim yolg’iz qoldirib-
Qaerda yuribsan, muhabbat?
Menga qarab zerikdingmi yo,
Bir mehrga zoriqdingmi yo
Baxtlilarga entikdingmi yo,
Qaerda yuribsan, muhabbat?
Yoki sen ham aktyormisan,
Yolg’on baxtdan baxtiyormisan.
Yomon rollardan bezormisan,
Qaerda yuribsan, muhabbat?
Tillo qasrlarda bezakdek,
Boylarning qo’lida uzukdek
Kimlarning qo’lida zulukdek,
Qaerda yuribsan, muhabbat?
Ko’z yoshga yuvildi sochiqlar
G’ussaga cho’mildi yostiqlar.
Tegirmondek chaynar ogriqlar,
Qaerda yuribsan, muhabbat?
Sevgi deb sochlarim supurgi,
Yolg’onlar sovunning ko’pigi.
Poyimda hijronning etigi,
Qaerda yuribsan, muhabbat?
Sensiz man g’o’zacho’p o’tinman,
Kam- ko’stsiz navrasta yetimman.
Ko’zim to’rt yo’l poylab kutdim man,
Qaerda yuribsan, muhabbat?
Ne uchun bilmaysan o’z qadring,
Birov o’yin qilmasin darding.
Bir mehrga zordir Ahading,
Qaerda yuribsan, muhabbat?
Ahad Qayum «Meni yig’latma, hayot» kitobidan.
