Она ҳақида шеър: онажонларимиз учун энг сара шеърлар

Maqola mundarijasi ( Ochish / Yopish )

Салом дўстлар! Олдинги маколаларимизда, бахор ва куклам хакида, ватан хакида шерлар укидик, болалар учун бури ва ит эртаги хамда мантикий кулгили топишмоклар бердик. Бугун эса, мунис, меҳрибон онажонларимиз учун энг сара шеър ва қўшиқлар тўплами сизнинг эътиборингизга ҳавола қиламиз. Ота она ҳақида шеър деб қидирувчилар учун барча сара шерлар тўплами.

Onamdan xat

Ўғлим, жигаргўшам, айтгин-чи, наҳот,
Ачинмайди жонинг онанг ҳолига.
Мени тўшакларга михлаб қўйди бод,
Келсанг бир кўрсаму… ўлсам, майлига.

Чакка ўтган эски томга ўхшайман,
Кўзимдан ёмғирлар тўкилар тинмай.
Бу ёруғ дунёда борми, билмайман,
Ўз ўғли йўлига интизор мендай…

Ҳайҳотдек ҳовлида қолдим бир ўзим,
Нима хаёлларга бормасман баъзан.
Соғмисан ишқилиб, қўрқаман, қўзим,
Подшолар ҳақида шерлар ёзасан.

Ўйнашиб бўларми шоҳлар билан, айт,
Қишлоқи жонингга шеърдан не ҳузур?
Зериксанг – бепоён яйловингга қайт,
Сиқилсанг – даштларда от чоптириб юр!

Фақат хаёлингдан чиқаргин шеърни,
(Кимгадир ёқмасмиш чинми-ёлғонми),
Ахир, сен ёзмасанг ўша Бобурни,
Шоирнинг уруғи қуриб қолганми?..

Ўглим, жигаргўшам, айтгин-чи наҳот,
Ачинмайди жонинг онанг ҳолига?
Мени тўшакларга михлаб қўйди бод,
Келиб бир кўтариб чиққин ҳовлига.

Қолингда жон бериб ўлсам, майлига…

Муҳаммад Юсуф «Сайланма» китобидан.

Агар бола йиғласа борми,
Кўкрак бериб, овутар она.
Бетоблигин сал билса борми,
Уйқусини тарк этар она.

Қўлларини айлайди болиш,
Сийнасини юмшоқ каровот.
Болажони этмасин нолиш,
Бузилмасин уйда фароғат.

Oq sutidan tayyorlab dori
Mehrin unga qo’shib beradi
Yozilajak ona xumori
Bolajoni kulib qaradi.

Meni qiynar goho bir narsa,
Yuragimga soladi larza.
Zorlanganda bazan onamiz,
Yupatishdan nega tonamiz.

Oq sutining hurmati shumi,
Ona qalbin xizmati shumi?

Мунис, меҳрибон она ҳақида шеър ва қўшиқлр тўплами…

Бунда кўрдим ажойиб ҳайкал,
Ҳайкалтарош берибди сайқал.
Ҳузурида ўй суриб қолдим…
Ҳузурида кўп туриб қолдим.

… Она турар … Кўзида ёлқин,
Вужудида жўш урмиш тўлқин,
Қўлидачи азиз дилбанди,
Қуралай кўз ўғли – фарзанди,

Жажжи қўллар она бўйнида,
Нелар кечар она ўйида?
Балки ўтган уруш даҳшати,
Оғир ҳаёт – турмуш даҳша

Хонадонлар лов-лов ёнгани,
Юракларга кулфат солгани,
Фарёд уриб, кўз ёш тўккани,
Ифлос ёвни қарғаб, сўккани,

Ҳаёлида кезаётгандир,
Она қалбин эзаётгандир…
Йўқ! У кунни истамас она,
Йўқ! У кунни ҳеч демас она!

Юракдаги ёлқин “Тинчлик” дер,
Юракдаги тўлқин “Тинчлик” дер,
“Тинчлик” дейди она юраги,
Шуни истар қўлда гўдаги.

Нормурод Нарзуллев «Сайланма» китобидан.

Йўллар юрдим бепаён,
Гуллар тердим бир жаҳон,
Хаёлларим сиз томон,
Учар ҳамон,
Онажон!

Терган гулим сизники,
Жону дилим сизники,
Сизникидир гулистон,
Гули хандон,
Онажон!

Ўйларимсиз Сиз менинг,
Куйларимсиз Сиз менинг,
Сиз менга бахт беармон,
Сиз менга жон,
Онажон!

Эркин Самандар «Севги фасллари» китобидан.